ဗဟုသုတဖတ်စရာ

စာကြည့်နေစဉ် (သို့) အလုပ်လုပ်နေစဉ်တွင် မျက်လုံးကို ခေတ္တပိတ်ထားကာ အနားပေးသော အလေ့အကျင့်သည် မျက်စိကျန်းမာရေးကို အထောက်အကူပြုစေကြောင်း ဗြိတိသျှသုတေသန ပညာရှင်များက ပြောကြားလိုက်သည်။
အလုပ်လုပ်နေစဉ်အချိန်တွင် မျက်စိကိုမှိတ်ကာ ငါးမိနစ်ခန့် အနားပေးသည့် အလေ့အကျင့်ကို တစ်နေ့လျှင် ခြောက်ကြိမ်ခန့် ပြုလုပ်ပေးပါက မျက်စိကျန်းမာရေးကို ကောင်းမွန်စေကြောင်း အမြင်ဓာတ်အမြဲတမ်း ကြည်လင်ပြတ်သားစေနိုင်ကြောင်း သိရသည်။
ထိုသိ်ု့ နေ့စဉ် ပြုလုပ်ပေးပါက အသက်(၄၀)ကျော်သည့်တိုင် မျက်စိ အမြင်ဝေေ၀ါးခြင်း၊ အမြင်ချို့ယွင်းခြင်းနှင့် မျက်ကြောနာကျင်ခြင်း ဝေဒနာတို့ မဖြစ်ပေါ်နိုင်ကြောင်း သိရပါသည်။
နေ့စဉ်မျက်စိလေ့ကျင့်ခန်းကို ပုံမှန်ပြုလုပ်သူများ မျက်စိအမြင် မှုန်ဝါးမှုနှင့် အခြားမျက်စိဝေဒနာများ မဖြစ်နိုင်ကြောင်း ဖြစ်ပွားမှု အခွင့်အလမ်း နည်းပါးကြောင်း သိရပါသည်။

ကိုးကားချက်။ ။ မြန်မာ့အလင်းသတင်းစာ (1-2-2009)

နှလုံးသားမြို့တော် (၃)

ခု ရေဒီယိုက လာနေတဲ့ သီချင်းက ချစ်သူလမ်း တဲ့။ ဟန်ထွန်းနဲ့ Rဇာနည် ဆိုထားတာလေးလေ။ သီချင်းက ဘာကို ခံစားပြီး ဖွဲ့ဆိုထားသလဲဆိုတာတော့ ကျနော် မသိဘူး။ ကျနော် စာရေးမယ်လို့ စဉ်းစားပြီး စာအုပ်နဲ့ ဘောပင် ချထားတုန်း ကြားလိုက်ရတဲ့ အသံက ချစ်သူလမ်း တဲ့လေ။ ကျနော့်အတွေးအိမ်ထဲမှာ မနောမြေ မြစ်ကြီးနားက ချစ်သူလမ်း လေးကို ရောက်သွားမိတယ်။ ဧရာဝတီ မြစ်ကမ်းဘေးက နေရာလေး …..ဗလမင်းထင်တံတားကြီးကို ငေးမောခွင့်ရတဲ့ နေရာလေး ……ဆိုင်တန်းလေးတွေမှာ ထိုင်ရင်း မြစ်ရေစီးတာကို ငေးမောခွင့် ရတဲ့ နေရာလေး ……ဟူး………..လွမ်းတယ် ချစ်သူလမ်း ရေ။
ချစ်သူလမ်းကို ကျနော် နောက်ဆုံး ရောက်ခဲ့တာက ဇန်န၀ါရီလ (၁၈)ရက်နေ့။ ကျနော် မြစ်ကြီးနားက မခွာခင် ချစ်သူလမ်းဘက်ကို ဓာတ်ပုံရိုက်ယူခဲ့ချင်တာနဲ့ ကျနော့်ညီမလေးနဲ့ ကျနော် စက်ဘီးတစ်စီးနဲ့ နေပူတာကို မမှုဘဲ ရောက်သွားခဲ့တယ်။ နေ့ခင်းဘက်ဆိုတော့ လူသိပ်မရှိဘူး။ ကျနော် ရောက်ဖူးတာကလည်း အများအားဖြင့် ညနေခင်းတွေဆိုတော့ နေ့ခင်းဘက်ကို သိပ်မရောက်ဖူးဘူး။ ဆုတောင်းပြည့်နားက KISS ME ဆိုင်ကနေစပြီး ချစ်သူ့ရင်ခွင် ကာရာအိုကေဆိုင်ထိ ဆိုင်တန်းနဲ့ လမ်းတွေကို အမှတ်တရ ဓာတ်ပုံရိုက်ယူနေရင်း ကျနော် လှိုက်ခနဲ ၀မ်းနည်းသွားခဲ့တယ်။ သစ်ပင်ပေါ်က သစ်ရွက်တွေ လေအဝှေ့မှာ ကြွေဆင်းနေတာကို ကြည့်ရင်း နောက်ဆို မြင်ရဖို့ သ်ိပ်မသေချာတော့တဲ့ မြစ်ပြင် ကျယ်ရယ်.. သောင်ပြင် ဖွေးဖွေးတွေရယ်..သစ်ရွက်ခြောက်တွေရယ်….ကျနော့် နှလုံးသားထဲမှာ ဓာတ်ပုံရိုက်ယူလာခဲ့မိတယ်။
ချစ်သူလမ်း ဆိုတာ ဘာကို ကိုယ်စားပြုပြီး ခေါ်ဝေါ်ကြတာလဲဆိုတာ ကျနော်မသိဘူး။ ချစ်သူလမ်း ဆိုတဲ့ ဆိုင်နာမည်ရှိတဲ့ လမ်းမို့လား……..? ဒါမှမဟုတ် နဂိုတည်းက ချစ်သူလမ်း လို့ ခေါ်နေကြလို့ ချစ်သူလမ်း ဆိုတဲ့ ဆိုင်လေး ပေါ်ပေါက်လာတာလား……….? ဘာပဲဖြစ်ဖြစ်..ကျနော် စားခဲ့ဖူးတဲ့ လက်ဖက်ထမင်းနဲ့ ဆတ်သားခြောက်၊ ပဲကြမ်းသုပ်၊ ကြာဇံဟင်း၊ ကော်ပြန့်ကြော်၊ ထမင်းသုပ်၊ ကျောက်ပွင့်သုပ်၊ သြော်………..အတူသွားခဲ့ဖူးတဲ့ ညီမလေးတွေ လုပ်ဖော်ကိုင်ဖက်တွေ အစ်မတွေ………သတိရမိသေးတယ်။

31-1-09(SATURDAY)
9:35 PM