ပါရမီဖြည့်ဖက်
တစ်ခါတုန်းက စာရေးဆရာလောင်းလျာ တစ်ယောက်မှာ ထူးခြားသော ဇနီးသည်တစ်ယောက် ရှိခဲ့ဖူးသည်။
သူမနာမည်က ဆိုဖီယာ ဖြစ်သည်။
သူမ၏ခင်ပွန်း နသန်နီယယ်သည် အကောက်ခွန်ရုံး အမှုထမ်းတစ်ဦးဖြစ်၍ တစ်နေ့တွင် အိမ်သို့ အကြီးအကျယ် မှိုင်တွေလျက် ပြန်ရောက်လာသည်။ သူ အလုပ်ပြုတ်လာခဲ့ပြီဖြစ်ကြောင်း စိတ်ပျက်လက်ပျက်ပြောသည့်အခါ ဇနီးသည်က ၀မ်းသာအားရ ထအော်သည်။ မိန်းမဘယ်လိုဖြစ်သွားပါလိမ့်ဟု သူ ငေးမောနေစဉ် ဇနီးသည်က
ဟန်ကျပြီ။ ရှင်ရေးချင်နေတဲ့ ၀တ္ထု အခုမှ ရေးရတော့မယ် ဟု ဆိုသည်။
အေးကွာ၊ အားသွားတာတော့ မှန်တယ်၊ ဒါပေမယ့် စာထိုင်ရေးနေတော့ ဘာနဲ့ သွားစားမလဲ ယောင်္ကျားက စိတ်ဓာတ်ကျလျက်ပင် ပြန်ပြောသည်။
ဇနီးသည်က စားပွဲအံဆွဲတစ်ခုကို ဆွဲဖွင့်ပြီး အထဲမှ ငွေစက္ကူတစ်ထပ်ကို ယူ၍ ထောင်ပြလိုက်သည့်အခါ နသန်နီယယ် အံ့အားသင့်သွားသည်။
မင်းဘယ်က ရသလဲ သူ တအံ့တသြ မေးသည်။
ကျွန်မက ရှင့်မှာ ပါရမီရှိတယ်ဆိုတာ ယုံကြည်ထားပြီးသား။ တစ်နေ့ကျရင် ဂန္တ၀င်တွင်မယ့် ၀တ္ထုကြီးတစ်ပုဒ် ရှင်ရေးဖြစ်မယ်ဆိုတာ ကျွန်မသိနေတယ်။ အဲဒါကြောင့်မို့လို့ ရှင်အပတ်စဉ်ပေးတဲ့ငွေထဲက နည်းနည်းစီ ကျွန်မဖဲ့ဖဲ့ပြီး စုထားတာ၊ ဒီပိုက်ဆံနဲ့ ကျွန်မတို့ တစ်နှစ်လုံးစားလို့လောက်တယ်၊ ရှင်ရေးပေတော့ ဟု ဆိုဖီယာက ယုံကြည်မှုအပြည့်နှင့် ပြောလိုက်သည်။
မိမိအပေါ် အားထားယုံကြည်လှသည့် ဇနီးသည်ထံမှ ထက်သန်တက်ကြွစိတ်တွေ ကူးစက်ကာ နသန်နီယယ်သည် အမေရိကန်စာပေသမိုင်းတွင် အထင်ရှားဆုံး လက်ရာတစ်ခုဖြစ်လာမည့် ကြက်သွေးရောင်စာလုံး ( The Scarlet Letter ) ၀တ္ထုကြီးကို ရေးသားဖြစ်ခဲ့ပြီး နသန်နီယယ်ဟော်သွန်း
( Nathaniel Hawthorne) ဟူသော သူ၏ အမည်ကိုလည်း ကမ္ဘာက သိစေခဲ့ပေသည်။
(မူရင်း။ ။ Nido Qubein ၏ Encouragement)
ဖေမြင့်
နှလုံးသားအာဟာရ ရသစာများ ( ၂ )
