for 13born

မနက်ဖြန်ဆိုရင် ကျနော့်မွေးနေ့ပါ။ ဗိုလ်ချူပ်နဲ့ မွေးရက်တူပါတာကို ကျနော်ဂုဏ်ယူမဆုံးပါဘူး။
ဒါကြောင့် အမှတ်တရ အနေနဲ့ ဒီပို့စ်လေး တင်လိုက်ပါတယ်။



ဗိုလ်ချူပ်အောင်ဆန်း၏ အမည် (၆) မျိုး

၁။ ငယ်အမည် မောင်ထိန်လင်း
၂။ သခင်အမည် သခင်အောင်ဆန်း
၃။ ဗိုလ်အမည် ဗိုလ်တေဇ ဂျပန်အမည်=အိုမိုရာ
၎။ တရုတ်အမည် တန်လုရှောင်
၅။ တော်လှန်ရေးကာလ လျှို့ဝှက်အမည် ဦးနောင်ချို
၆။ ဗိုလ်ချုပ်ကြီးနေ၀င်းမှ
လျှို့ဝှက်ဆက်သွယ်သည့်အမည် ကိုဆက်ဖေ

၂-၂-၀၉

ရင်မှာထိရှ တွေးမိသမျှ ( ၂ )

‘ မြစ်ကြီးနား ‘ တဲ့။ ခုဆို မကန နဲ့ ပတ်သက်ခဲ့တဲ့ အကြောင်းအရာတွေကို ပြန်စဉ်းစားနေမိတယ်။ ပြန်တွေးမိတော့ အရင်ဆုံး ကျနော့်ရဲ့ တိုက်ဆိုင်မှုလေးတွေကို သတိရမိသေးတယ်။ ကျနော်က ရွှေ မကြိုက်ဘူး။ ၀တ်လည်း မ၀တ်ချင်ဘူး။ ကျနော်ကြိုက်တာတွေက ကျောက်မျက်ရတနာတွေ။ ငယ်ကတည်းက စိတ်ကူးယဉ်ခဲ့ဖူးတယ်။ ပိုက်ဆံ အ၇မ်းရှိတဲ့အခါ ကျောက်မျက်မျိုးစုံကို တစ်နေ့တစ်မျိုး မရိုးအောင် ၀တ်ချင်တဲ့ ဆန္ဒ ရှိတယ်။ ပြီးတော့ ကျေက်မျက်ရတနာတွေနဲ့ အလှဆင်ထားတဲ့ မြန်မာပြည်မြေပုံ ရင်ထိုးကို အရမ်းလိုချင်ခဲ့တယ်။ ခုထိတော့ ဒီဆန္ဒတွေ မျှော်လင့်ချက်တွေ ဖြစ်မလာသေးပါဘူး။ “ There must be hope in life “ တဲ့။ ဖြစ်တာ..မဖြစ်တာ အပထား။ မျှော်လင့်ချက်နဲ့ အသက်ရှင်ရတာ ပိုကောင်းတယ်မလား။ ဆက်ပြောရရင်….ကျနော်အကြိုက်ဆုံးက ကျောက်စိမ်း ။ ငယ်ငယ်လေးတည်းက ကျောက်စိမ်းဆွဲကြိုးတွေ၊ လက်စွပ်တွေ၊ နားကပ်တွေ တွေ့တိုင်း အရမ်းကို ကြည်နူးပီတိ ဖြစ်ဖြစ်သွားတဲ့ ကျနော့်ခံစားချက်။ ကြီးလာတော့လည်း ပိုပြီးတောင် သဘောကျလာသေးတယ်။ အထူးသဖြင့် ကျောက်စိမ်းလက်စွပ်လေးကို အ၇မ်းလိုချင်တာပဲ။ ( ခုတော့ ကျနော့်ရဲ့ hope တစ်ခုကို ကျနော်ပိုင်သွားပြီ…..နောက်မှ ပြောပြဦးမယ်။)

ကျနော် ကျောင်းပြီးတော့ တာဝန်မထမ်းဆောင်ခင် မွမ်းမံသင်တန်းကို ရန်ကုန်မှာ သွားတက်ရတယ်။ သင်တန်းတက်နေရင်း မြစ်ကြီးနား ကို တာဝန်ကျတယ်လို့ order ထွက်လာတယ်။ ဒီတုန်းက ကျနော်တို့ order မှာ လူ ( ၅ ) ယောက်ပါတယ်။ order တွေ ထွက်ပြီလို့ သိသိချင်း စာရွက်ကို ကြည့်တော့ ကျနော်က မြို့ နာမည်တွေကို အရင်ကြည့်တာ။ မြို့တွေက “ လားရှိုး၊ ကလေး၊ မြစ်ကြီးနား၊ ပခုက္ကူ၊ မြိတ် “ တဲ့။ မြို့နာမည်တွေ ဖတ်ပြီးပြီးချင်း မြစ်ကြီးနား ရဲ့ ဘေးက လူနာမည်ကို ကြည့်လိုက်တော့ ကျနော့်နာမည်ကို တွေ့လိုက်ရတယ်လေ။ အ၇မ်းပျော်သွားတာကို ခုထိ မှတ်မိသေးတယ်။ ကျနော့်ရဲ့ မသိစိတ်ထဲမှာကို မြစ်ကြီးနား က ဘယ်တုန်းက နေ၇ာယူထားပါလိမ့်နော်။ ပြီးတော့ မှတ်မှတ်ရရ ဖြစ်တာ တစ်ခု ရှိသေးတယ်။ ကျနော် ရန်ကုန်မလာခင် ညီမလေးတစ်ယောက်က သူ့ဆီမှာ ရှိတဲ့ စာအုပ်တွေ ကျနော့်ကို ပေးဖတ်တယ်။ ( ကျနော်က စာအုပ်ဝါသနာအိုး၊ စာ မဖတ်ရရင် မနေနိုင်တဲ့သူလေ။) သူပေးတဲ့ စာအုပ်တွေထဲမှာ ၀တ္ထုစာအုပ်တစ်အုပ်ပါတယ်။ ရေးတဲ့သူတော့ မမှတ်မိတော့ဘူး။ ၀တ္ထုနာမည်ကတော့ ဖတ်ကတည်းက ရင်ထဲကို စွဲသွားတာ။ နာမည်လေးက “ ကျမချစ်သော မြစ်ကြီးနား “ တဲ့။ ကဲ…………ဒီစာအုပ်လေး ဖတ်လိုက်၇လို့ မြစ်ကြီးနားကို တာဝန်ကျတာလား……..? ကျောက်စိမ်းတွေကို သဘောကျလို့ မြစ်ကြီးနားကို တာဝန်ကျခဲ့တာလား………..? ကချင်ရိုးရာ ၀တ်စုံတွေကို သဘောကျတဲ့သူမို့ မြစ်ကြီးနားကို တာဝန်ကျတာလား…………? ဘာအကြောင်းကြောင့် မြစ်ကြီးနား ကို ရောက်ရောက်……….မြန်မာပြည်မြောက်ဖျားက ပြည်နယ်ဒေသလေးကို ကျနော် ရောက်ရတော့မယ်။ မြစ်ကြီးနားက ကျနော့်ကို ဘယ်လိုကြိုဆိုနေမှာလဲ…..? ဒေသခံတွေကရော ဘယ်လိုဆက်ဆံကြမလဲ………? ကျနော်တာဝန်ကျရာ ဌာနမှာရော အားလုံးနဲ့ သင့်တင့်မျှတအောင် ကျနော် ဆက်ဆံနိုင်ပါ့မလား….? မိဘရင်ခွင်က ခွဲခွာပြီး ဟိုးဝေးလံလှတဲ့ နေရာဒေသအသစ်ကို ကျနော် ဘယ်လို ခွန်အားတွေနဲ့ သွားနေရမလဲ………? ဘယ်တော့များမှ ကျနော့်မွေး၇ပ်မြေကို ပြန်လည်ခြေချခွင့် ရမှာလဲ……..? အတွေးပေါင်းစုံနဲ့ ကျနော် မြစ်ကြီးနားမသွားခင် နပန်းလုံးခဲ့ရသေးတယ်။

2-2-09

နှလုံးသားမြို့တော်

ရင်မှာထိရှ တွေးမိသမျှ (၁)

“ နှလုံးသားမြို့တော် “ တဲ့။ ဟုတ်တယ်။ ကျနော့်ဘ၀ရဲ့ မမေ့နိုင်တဲ့ အမြဲထာဝရ တည်ရှိနေမယ့် မြို့လေးပါ။ ကျနော့် ရင်ဘတ်ထဲက တဒိတ်ဒိတ်ခုန်နေတဲ့ နှလုံးသားရဲ့ တောင့်တရာ၊ ငတ်မွတ်ရာ၊ လွမ်းမောစရာ ရပ်ဝန်းလေး ………..ဒါ …ဘာလဲ….? သိချင်ကြလားဟင်…..!

ခုဆို ကျနော်ဟာ မွေးရပ်မြေ ရွှေမန်းလေးကို ပြန်ရောက်နေပေမယ့် အမြဲလိုလို အားချိန်တိုင်း သတိရနေမိတာ မိဘလည်းမဟုတ်။ သူငယ်ချင်းတွေလည်းမဟုတ်.. မောင်နှမတွေလည်းမဟုတ်နဲ့ ….၊၊ ကျနော့်ကိုမွေးဖွားခဲ့တဲ့ မန္တလေးရွှေမြို့တော်မှာ ခြေချခွင့်ရနေပေမယ့် ( ၂ ) နှစ်နီးပါး နေထိုင်ခဲ့ရာ၊ တာဝန်ထမ်းဆောင်ခဲ့ရာ၊ မနောမြေလေးကို အချိန်တိုင်းလိုလို သတိရနေမိတာ ဘာကြောင့်လဲလို့တောင် မသိတော့ပါဘူးဗျာ….၊ ဒါ ….ရေစက် လား….! ဟိုးအရင် ဘ၀တွေတုန်းက မနောမြေနဲ့ ဘာတွေ ပတ်သက်ခဲ့ဖူးသလဲ…! သေချာတာက ကျနော့်နှလုံးသားထဲမှာ အမြဲထာဝရ တည်ရှိနေမယ့် မြို့လေးဟာ ကချင်တိုင်းရင်းသားတို့ရဲ့ မြို့တော်…..မနောအက ထွန်းကားရာ မြစ်ကြီးနား မြို့ လေးပါပဲ………၊