Green Tea

လက်ဖက်နှပ်နည်းသစ်

လက်ဖက်ရှားပါးတဲ့ နိုင်ငံခြားရောက် လက်ဖက်ကြိုက်တဲ့ ရွှေမြန်မာတွေအတွက် ဒီက အစ်မတစ်ယောက်ဆီက ရတဲ့ လက်ဖက်လုပ်နည်းလေး ဝေမျှချင်လို့ပါ..

ချန်းနီမတို့ဆီမှာလည်း လက်ဖက်ဆိုတာ မြန်မာပြည်က လာတဲ့လူကြုံရှိမှ စားရတာ.. လာတဲ့လူကြုံတိုင်းကလည်း လက်ဖက်က အလေးချိန်စီးတော့ တော်ရုံ မသယ်လာချင်ကြဘူး.. ဒီကလူတွေကလည်း လက်ဖက်က ကြိုက်တတ်ပါဘိနဲ့ဆိုတော့ လက်ဖက်ရအောင် ဘယ်လိုလုပ်ရင်ကောင်းမလဲဆိုပြီး တွေးနေကြတာ ကြာပြီ.. အဲဒါနဲ့ပဲ အစ်မက စမ်းသပ်ကြည့်တာကနေ အောင်မြင်သွားလို့ ပြန်ပြီး ဝေမျှတာပါ..

နီဒါန်းချီနေတာ များနေပြီ.. နည်းက လွယ်လွယ်လေးပါ..
လက်ဖက်နှပ်ဖို့အတွက်တော့ အာရှဆိုင်တွေမှာ အလွယ်တကူဝယ်လို့ရတဲ့ green tea လက်ဖက်ခြောက်တွေကိုပဲ သုံးပါတယ်..
လက်ဖက်ခြောက်တွေကို ပြန်ပြီး ရေနွေးငွေ့နဲ့ပေါင်းလိုက်တာပါပဲ.. ပေါင်းလိုက်တဲ့အတွက်ကြောင့် အရွက်လေးတွေ ပျော့သွားပြီး အခါးရည်တွေလည်း ထွက်မသွားပါဘူး..
ပြီးတော့ လက်ဖက်နှပ်သလိုပဲ သံပုရာသီး၊ ပုစွန်ခြောက်၊ ကြက်သွန်ဖြူ တို့နဲ့ ကိုယ်ကြိုက်သလို နှပ်စား၊ သုပ်စားနိုင်ပါတယ်..
မြန်မာပြည်က လာတဲ့ လက်ဖက်လိုပဲ စားကောင်းပါတယ်..


source: myanmarcupid

ကြေကွဲအလင်း

ကြေကွဲအလင်း

အရိပ်ထင်လာတဲ့ ပုံရိပ်ကို
ဖမ်းဆုပ်ဖို့လုပ်နေတုန်းပေါ့
မပီဝိုးတ၀ါး အရောင်တွေကို
ပြန်ရုပ်သိမ်းသွားလေရဲ့
အလင်းတန်းတောင် မတောက်ပသေးဘူးကွာ……။

လိုသလို ခံစားပါ။
မှောင်သွားတဲ့ ငါ့လမ်းမက
သိပ်တော့ မထူးဆန်းတော့ဘူး။
အရင်ကအတိုင်းပါပဲ။

တချိန်ချိန်တော့
လင်းလက်မယ့် အရောင်တွေမှာ
အပြာရောင်တွေ ခပ်များများ ထည့်ပေးချင်သေးတယ်။

ခုတော့ င့ါမှာ
ခရမ်းရောင်တွေ ဖြန့်ကျက်
အစိမ်းရောင်သစ်သီးကို လက်ခံစားသုံး
အမှောင်ထဲမှာ
တိတ်တဆိတ် ငေးမောရင်း
အသက်ဆက်နေရဦးမယ်။


အဇူရီ
11-6-10( Friday )
10:20 am

http://burglish.my-mm.org/latest/trunk/web/testarea.htm

ပေါ်လာတဲ့ box ထဲမှာ barglish လို ရိုက်ထည့်လိုက်ရင် မြန်မာလို ပြန်ပေါ်ပေးတာလေးဗျ။ မြန်မာလို ရိုက်ဖို့ အခက်အခဲ ရှိသူတွေအတွက် အသုံးဝင်နိုင်တဲ့ ဆိုဒ်လေးပါ။

azzurri

2-5-2010

ဒီတစ်ခါတော့ ကျနော် မကျေမနပ်ဖြစ်နေတာလေးတွေ ရေးဦးမယ်ဗျာ။

ကျနော်ခု နေနေရတာက လူ (၈)ယောက်ကို အဆောင်တစ်ခုတည်းမှာ တူတူနေရတယ်ဗျ။ အခန်း (၄)ခန်း ရှိတယ်။ တစ်ခန်းကို နှစ်ယောက်ပေါ့။ အဆောင်မှာ အဆောင်မှူးဆိုပြီး ရှစ်ယောက်ထဲကနေ တစ်ယောက်ကို ခန့်ထားကြတယ်။

ကျနော်ပြောချင်တာကတော့ လူတွေက ဘာလို့ ကိုယ့်အိမ်ကိုယ့်ယာလို သဘောမထားဘဲ ထင်သလို လုပ်နေကြတာလဲဗျာ။ တစ်ယောက်ကို ကူညီပေးချင်စိတ်တွေ ခန်းခြောက်နေကြတာလဲ။ ဘာလို့ တွက်ကပ်နေကြတာလဲဗျာ......။

ကျနော်တို့က မနက် ၈း၃၀ လောက်ဆို အားလုံး အဆောင်က ထွက်ကြရပြီ။ အဲ့ဒီအခါမှာ အဆောင်မှာ ရှိတဲ့ တံခါးတွေကို နောက်ဆုံးကျန်ခဲ့တဲ့သူက ပိတ်ပေရော့ပဲ။ အဲ.........အမှန်က အရင်ထွက်သွားတဲ့သူတွေက တံခါးမကြီးပဲ ချန်ပြီး ကျန်တဲ့တံခါးတွေကို ပိတ်ပေးခဲ့မယ်ဆိုရင်..............နောက်ဆုံးကျုန်ခဲ့တဲ့သူအတွက် မသက်သာဘူးလား ........................။

ပြီးတော့ (ကန်တော့ဗျာ) အိမ်သာရေပေါ့။ ရေလွှတ်တုန်းဆို ရေပိုက်ကနေ ရေလာတယ်။ ရေလွှတ်ချိန်မဟုတ်ရင် အိမ်သာရေက မလာတော့ဘူး။ နည်းနည်းချင်းပဲ ကျတော့တယ်။ ဒီတော့ သူတို့က ရေပုံးနဲ့ ခပ်မထည့်ချင်တော့ ဘယ်လိုလုပ်တယ်မှတ်လဲ။ နည်းနည်းချင်းကျနေတဲ့ ရေ ကို ဖွင့်ထားခဲ့ကြတယ်။ ဖွင့်ထားခဲ့ရင်လည်း ပြန်တော့ ပိတ်ဦးမှပေါ့ဗျာ.......။ ခုတော့ အမြင်မတော်တိ်ုင်း ကျနော်က အနောက်ကနေ လိုက်လုပ်နေရတာဗျာ။ သူတို့ ဒီလိုလုပ်တာဟာ ရေစင်မှာ နည်းနည်းပဲ ကျန်တော့တဲ့ ရေကို မချွေတာရာ မရောက်ဘူးလားဗျာ။

ပြီးတော့ တချို့ကိစ္စတွေမှာ သစ္စာသိပ်ရှိကြတယ်ဗျ။ ဘယ်လို ရှိသလဲ ဆိုတော့ ကိုယ်က ဒီတံခါးကို မဖွင့်ဘူးဆိုရင် ပြန်ပြီး မပိတ်ဘူးဗျ။ မနေ့ကပေါ့။ ကျနော်က မီးဖိုချောင်မှာ ထမင်းချက်ပြီး ပြတင်းပေါက်တံခါး မပိတ်ခဲ့ရသေးဘူး။ ကျနော်ချက်ပြူတ်ပြီးတော့ တစ်ယောက်က ချက်နေသေးတော့ ကျနော်က လေ၀င်လေထွက်ကောင်းအောင်လို့ တံခါးကို မပိတ်ခဲ့သေးဘူးပေါ့ဗျာ။ အဲ့ဒါဗျာ...........အဲ့ဒီတစ်ယောက်က သူ ချက်ပြီးတဲ့အခါ တံခါးပေါက်ကို မပိတ်ခဲ့ဘူးဗျာ။ ကျနော်ဖွင့်ထားခဲ့တဲ့ တံခါးပေါက်ကိုပဲ မပိတ်ခဲ့တာနော်။ ကဲ................ဘယ့်နှယ့်လဲ ။

အဲ့လို ကိုယ်လုပ်ခဲ့တဲ့ကိစ္စကို ကိုယ်ကပဲ အဆုံးသတ်ရမယ်ဆိုရင် ဘာလို့ အ်ိမ်သာရေကိုတော့ မပိတ်ခဲ့ကြတာလဲ မသိဘူးနော်။

ပြီးတော့ ရှိသေးတယ်ဗျ။ ရေသွန်ကြတာလေ။ အဆောင်ရှေ့တံခါးပေါက်မှာ ဘာလို့ သွန်ကြတာလဲ မသိဘူးဗျာ။ သူတို့ ဒီလို ရေသွန်တော့ အဆောင်အ၀င်အထွက် ရေတွေနဲ့ ချော်လဲမှာပေါ့ဗျာ။ ဒီတော့ မနေနိုင်တဲ့ ကျနော်က လိုက်ပြီး ရှင်းနေရတယ်ဗျ။

ကျနော် ခုလို ရေးမိတာက ကျနော်လုပ်နေရလို့ ရေးတာတော့ မဟုတ်ပါဘူး။ ကျနော်ကတော့ အမြင်မတော်တိုင်း လုပ်ပေးနေမိဦးမှာပဲလေ။ ကျနော့်ဆန္ဒကတော့ သူတို့ကို လူပီသစေချင်တယ်။ နည်းနည်းများ ကြီးကျယ်သွားမလား မသိဘူး။ အမှန်ကတော့ ကိုယ့်ကြောင့် သူတစ်ပါးမှာ ထိခိုက်မှု မဖြစ်သွားအောင် နေထိုင်ပြုမူမိစိတ်တွေ ရှိနေစေချင်တာပါပဲဗျာ။

ကျနော်လည်း စိတ်ထားကောင်းဖို့ လူပီသဖို့ ဆက်လက်ကြိုးစားပါဦးမယ်။


အဇူရီ

ပွေ့ချီထားပါရစေ

ကျမရဲ့ တစ်လခွဲ အရွယ် အမြွှာနှစ်ယောက်နဲ့အတူ မြို့နယ်ဆေးရုံက ဓာတ်မှန်ဌာနကို ရောက်နေပါတယ်။ ကျမရဲ့ သမီးလေး Abigail က တင်ပါးဆုံနဲ့ မွေးဖွားခဲ့တာ ဖြစ်ပြီး သူ့အစ်ကို Daniel ထက် တစ်ပေါင်ခွဲ ကိုယ်အလေးချိန် လျော့နည်းပါတယ်။ သူ့ကို မွေးဖွားစဉ်က တင်ပါးဆုံနေရာ လွဲသွားခဲ့ပါတယ် အခု နေရာတကျ ရှိ မရှိ ဓာတ်မှန် ရိုက်ကြည့်ဖို့ ဖြစ်ပါတယ်။ လုပ်ရိုးလုပ်စဉ်အတိုင်း လုပ်မှာ ဖြစ်ပေမယ့် ကျမစိတ်တွေ လှုပ်ရှားနေခဲ့ပါတယ်။

ကျမတို့ ရောက်တာ တစ်နာရီလောက် ရှိနေပေမယ့် ကျမတို့ကို ခေါ်မယ့် အရိပ်အယောင်တောင် မမြင်ရသေးပါဘူး။ နောက်ထပ်ရောက်လာတဲ့ သူတွေက များလာတဲ့အတွက် ဓာတ်မှန်စမ်းသပ်ခန်းကို ၀င်ရတဲ့လူတွေ အရေအတွက်က နည်းနေပါတယ်။ စိတ်မရှည်မှုကို ဖုံးကွယ်ဖို့ ကြိုးစားကြရင်း လူနာအချင်းချင်း စကားပြောနေမိကြပါတယ်။ ကျမရဲ့ အမြွှာလေးတွေကို စိတ်ဝင်စားနေကြပြီး အမျိုးသမီးငယ်တစ်ယောက်က ကျမလက်ပေါ်က လူးလွန့်စပြုနေတဲ့ Abigail ကို ပွေ့ချီထားပါရစေလို့ တောင်းခံလာပါတယ်။ ကျမက ယဉ်ယဉ်ကျေးကျေး ငြင်းဆိုလိုက်ပါတယ်။ Daniel က လက်တွန်းလှည်းထဲမှာ အိပ်ပျော်နေဆဲပါပဲ။ ဒါပေမယ့် မကြာခင်မှာ နိုးလာတော့မှာကို ကျမ သိနေပါတယ်။

သူနာပြုတစ်ယောက် ထွက်လာပြီး ကျမတို့ စိတ်ရှည်ရှည်နဲ့ စောင့်နေကြတာကို ကျေးဇူးတင်ကြောင်းနဲ့ အတွင်းလူနာများကို ဓာတ်မှန်ရိုက်ပေးတာကို အပြီးသတ်တော့မှာ ဖြစ်ကြောင်း ပြောပါတယ်။ ခဏလောက် စောင့်ပြီးရင် အစဉ်လိုက် ခေါ်တော့မှာဖြစ်ကြောင်း ဆက်ပြီး ပြောသွားပါတယ်။ မြန်မြန်ခေါ်မှပါပဲ။ ဘာလို့လဲဆိုတော့ ကျမနားက တစ်ခုံနဲ့ မျက်နှာချင်းဆိုင်က တစ်ခုံကလွဲလို့ တစ်ခန်းလုံး ပြည့်နေပါပြီ။

အဲ့ဒီအချိန်မှာပဲ အသက်အရွယ် ကြီးနေပြီဖြစ်တဲ့ စုံတွဲတစ်တွဲ ၀င်လာပါတယ်။ စာရင်းသွင်းလိုက်ပြီး ထိုင်ဖို့ နေရာရှာကြည့်နေကြပါတယ်။ ကျမက ကလေးလှည်းလေးကို နေရာရွှေ့ ပြီး သူတို့ ထိုင်လို့ ရအောင် လုပ်ပေးလိုက်ပါတယ်။

အဘိုးကြီးက ငါတော့ ကလေးတွေနဲ့ မျက်နှာချင်းဆိုင်မှာ ထိုင်မယ်ဟေ့ လို့ ကျယ်ကျယ်လောင်လောင် ကြေညာလိုက်ပါတယ်။ အဘွားကြီးက အဘိုးကြီးရဲ့ လက်မောင်းကို လှမ်းရိုက်ပြီး တိုးတိုး ပြောပါရှင် သူ့ကို မနှောင့်ယှက်ပါနဲ့ သူ့မှာ ကလေးတွေနဲ့ လက်မအားရရှာပါဘူး လို့ ပြောလိုက်ပါတယ်။

သူတို့ကိုကြည့်ပြီး တိုးတိုးတိတ်တိတ် ပြုံးရယ်နေကြပါတယ်။ အဘွားကြီးက ကျမနားမှာ ထိုင်ပြီး အဘိုးကြီးက မျက်နှာချင်းဆိုင်မှာ ၀င်ထိုင်လိုက်ပါတယ်။ သူ့အနားက လူတွေကို စကားတွေ အဆက်မပြတ် ပြောနေပါတော့တယ်။ သူ့ရင်ဘတ်ကို ဓာတ်မှန်ရိုက်ဖို့လာကြောင်း သူ့ရဲ့ဆရာဝန်က ညွှန်ကြားလို့သာ လာရကြောင်း၊ လိုအပ်မယ် မထင်ပါဘူးလို့ ပြောနေပါတယ်။

ကျုပ် လူ့လောကကြီးထဲကို ရောက်လာတာ (၈၇) နှစ် ရှိပါပြီ။ ဘာရောဂါမှ မဖြစ်ဖူးပါဘူးဗျာ လို့ ပြောနေပြန်ပါတယ်။

သူ့ဇနီးက တစ်ခြားလူတွေကို အနှောင့်အယှက်ပေးရမလားလို့ ဆူလိုက်ပါတယ်။ ဘယ်သူကမှ မငြိုငြင်ကြပါဘူး။ ကျမတို့အားလုံး စောင့်ရတာ ကြာလို့ ငြီးငွေ့စိတ်ပျက်နေကြလို့ အဘိုးကြီးရဲ့ ဖော်ရွေရွှင်ပျတဲ့ စကားသံတွေကို စိတ်ဝင်စားနေကြပါတယ်။ သူက သူတို့ရဲ့ မြေးငါးယောက်အကြောင်းကို တခမ်းတနား ပြောနေတုန်းမှုာပဲ Daniel နိုးလာပြီး ငိုပါတော့တယ်။ ကျမပါ ရောပြီး ငိုချင်ပါတော့တယ်။ Daniel ကို ပွေ့ချီချော့ဖို့ နည်းလမ်းရှာရတော့မှာပါ။ ဘာလုပ်ရမှန်း မသိခင်မှာဘဲ ကလေးကို အဘွား ချီထားပါရစေကွယ် ဆိုတဲ့ တောင်းပန်သံလေးကို ကြားလိုက်ရပါတယ်။ ကျမ တန့်သွားပါတယ်။ အဘွားကြီးက ကလေးကို ပွေ့ချီဖို့ လက်ကမ်းနေပါပြီ။ သူ့လက်တွေ တုန်နေတာ ကျမ သတိထားလိုက်မ်ိပါတယ်။ သူ့ကို စော်ကားတဲ့ စကားတွေ မပါဘဲ ဘယ်လိုယဉ်ယဉ်ကျေုးကျေး ငြင်းပယ်ရမလဲ စဉ်းစားလိုက်ပါတယ်။ Abigail ကို သူ့ရဲ့ အားနည်းပြီး တုန်ယင်နေတဲ့ လက်တွေထဲကို ထည့်လိုက်လို့ ဖြစ်မှာ မဟုတ်ပါဘူး။ မတော်တဆ လွတ်ကျသွားရင် ဘယ်လိုလုပ်မလဲ။

ယဉ်ကျေးစွာ ငြင်းပယ်ရမယ့်အစား ကျမ Abigail ကို သူ့ဆီကို လှမ်းပြီး ပေးလိုက်ပါတယ်။ ဘာဖြစ်လို့ ဒီလို ဆုံးဖြတ်လိုက်ရသလဲ ဆိုတာ ပြန်ပြီး စဉ်းစားလို့  မရပါဘူး။ ကျမ မသိတဲ့ အမျိုးသမီးကြီးတစ်ဦးကို သမီးလေးကို ကမ်းပေးလိုက်တာကိုပဲ သတိရပါတယ်။

သမီးက ရုန်းကန်ပြီး ငိုလိုက်ပါတယ်။ ကလေးကို ချက်ချင်းပြန်ပေးမလားလို့ ထင်လိုက်ပါတယ်။ သူက သမီးရဲ့ ကျောကလေးကို ပွတ်သပ်ချော့ပြီး သီချင်းလေးကို စပြီး ဆိုလိုက်ပါတယ်။ စာသားတွေကို မဖမ်းမိပေမယ့် တေးသွားလေးကိုတော့ ကြားဖူးနေပါတယ်။ သမီးလေးက ချက်ချင်းကိုပဲ ငြိမ်သက်သွားပါတယ်။ Daniel ကို ပွေ့ချီပြီး ငြိမ်သက်အောင် ချော့လိုက်ရပါတယ်။ ပြီးတော့မှ အိတ်ထဲက အ၀တ်ကို ဆွဲထုတ်ပြီး အဘွားကြီးရဲ့ ပခုံးပေါ်မှာ တင်ပေးဖို့ ကြိုးစားတော့ သူက ခေါင်းကို ခါရမ်းလိုက်ပါတယ်။ ဘွားဘွားကြီး အင်္ကျီကို သမီးရဲ့ သွားရည်တွေ ပေကုန်မှာပေါ့ လို့ ပြောတော့ သူ့မျက်လုံးတွေက အရောင်တွေ တလက်လက် ထွက်ပေါ်လာပြီး သူ့နှုတ်ခမ်းတွေ တုန်ယင်လာပါတယ်။ ဒီကလေးလေးက ငါ့အင်္ကျီကို ပျက်စီးအောင် မလုပ်ပါဘူးကွယ် လို့ ပြောပြီး သူ့မျက်လုံးတွေထဲ မျက်ရည်တွေကို ကျမ မမြင်စေချင်လို့ တစ်ဖက်ကို လှည့်ပြီး ကျမ သမီးလေး အိပ်ပျော်သွားအောင် လှုပ်ပြီး သိပ်နေပါတယ်။

အဘိုးကြီးက ကျမလက်ကို လှမ်းကိုင်လိုက်ပါတယ်။ သူက ပြုံးပြနေပါတယ်။ ဒါပေမယ့် ရီေ၀၀မ်းနည်းရိပ်သမ်းနေတဲ့ အပြုံးပါ။

ငါတို့မှာ မြေးငါးယောက် ရှိတယ်ကွဲ့

ဟုတ်ကဲ့ စောစောက ပြောပြလို့ သိပြီးပါပြီ

သူက ခေါင်းညိတ်လိုက်ပြီး သူ့လက်တွေကို ငုံ့ကြည့်နေပါတယ်။ သူခေါင်းမော့ပြီး ကျမကို ကြည့်လိုက်တဲ့အခါမှာ သူ့မျက်လုံးတွေထဲမှာလည်း မျက်ရည်တွေနဲ့ ပြည့်နေတာကို တွေ့လိုက်ရပါတယ်။

ကလေးတွေကို တို့ ချီခွင့်မရဘူးကွဲ့။ ကလေးတွေ လွတ်ကျပြီး ထိခိုက်ကုန်မှာစိုးလို့ ထင်ပါရဲ့ လို့ ပြောပြပါတယ်။

သူ့ကို ကျမ ဘာမှ ပြန်မပြောနိုင်ပါဘူး။ ပြောပြစရာ စကားလည်း ရှာလို့ မတွေ့ပါဘူး။ ခဏနေတော့ ကျမတို့အလှည့် ကျလာလို့ သမီးကို အဘွားကြီးလက်က ပြန်ယူလိုက်ပါတယ်။ ဓာတ်မှန်ရိုက်ပြီးတော့ တခြားတံခါးပေါက်က ထွက်လာရတဲ့အတွက် သူတို့နှစ်ယောက်နဲ့ ပြန်ပြီး မတွေ့တော့ပါဘူး။ သူတို့နာမည်တွေကိုတောင် မမေးလိုက်ရပါဘူး။

အခုဆိုရင် နှစ်နှစ် ရှိသွားပါပြီ။ Abigail ရဲ့ ဓာတ်မှန်ကလည်း ပုံမှန်ပါပဲ။ အခုဆိုရင် ကောင်းကောင်း လမ်းလျှောက်နေပါပြီ။ သူ့အသက်နဲ့စာရင် နည်းနည်း သေးပြီး နုနယ်ပေမယ့် ကျမတို့ရဲ့ အသည်းစွဲသမီးလေးပဲ ဖြစ်ပါတယ်။

သူတို့ ဇနီးမောင်နှံအတွက် ကျမ နေ့စဉ်လို ဆုတောင်းပေးပါတယ်။ သူတို့ ဘယ်မှာရှိကြသလဲ။ သူတို့ ဘယ်သူတွေလဲဆိုတာ မသိပေမယ့် သူတို့ကြောင့် ကျမ အသိတစ်ခု တိုးခဲ့ရပါတယ်။

လူတွေက ကိုယ့်ဘ၀လမ်း ကိုယ်လျှောက်နေရပေမယ့် ဆက်စပ်မှု တစ်ခုတော့ ကောက်ချက်ချစရာ ရှိပါတယ်။ တစ်ခါတလေမှာ ကျမတို့ကို လိုအပ်တဲ့ လူတွေ ရှိပါတယ်။ ဒါမှ တစ်ယောက်ရဲ့ ရင်ထဲက အလင်းရောင်လေးကို ခံစားသိရှိနိုင်ပါတယ်။ တစ်ခါတလေမှာတော့ ကျမတို့က လိုအပ်တဲ့ လူတွေ ရှိပါတယ်။ မေတ္တာ ကရုဏာတွေ ရနိုင်ပါလားဆိုတာကို သတိရစေဖို့ပါပဲ။ ပြီးတော့ တစ်ခါတလေမှာလည်း ဆေးရုံက နားနေဆောင်မှာ တွေ့ခဲ့တဲ့ အဘွားလိုပဲ သူနဲ့ ကျမ အပြန်အလှန် လိုအပ်တဲ့ သူတွေ ဖြစ်ခဲ့ရပါတယ်။

source: A cup of comfort for inspiration မှ Adrian R.Ward ရဲ့ “ To hold and behold “

ခင်စောတင့်(အချစ်များစွာနဲ့ ပေးတဲ့ လက်ဆောင်) စာအုပ်မှ ကူးယူသည်။

သစ်စက်

သစ်ရာ၊ ကျွန်း၊ ပျဉ်းကတိုး၊ ပိတောက် တဲ့
အစိမ်းရောင်တစ်အုပ်လုံး ညှို့နေအောင် ၀တ်ဆင်ပြီး
ကိုယ့်အရပ်အမောင်းနဲ့ကိုယ် မြင့်တက်ဖို့
ကိုယ့်အလုံးအထည်နဲ့ကိုယ် ကြီးထွားဖို့
ဒီတောဒီတောင်ကို ရွေးချယ်ခဲ့။

ရေချိုးမမှားလည်း ဖျားတတ်သလိုမျိုးပေါ့
ရှူသွင်းလိုက်တိုင်း လွှသွားငေါငေါ
ရှူထုတ်လိုက်တိုင်း ပျဉ်တိုပျဉ်စ။

ခုတော့ .........

အိပ်မက်က သစ်တောဖြစ်ပြီး
ဘ၀က သစ်စက်ဖြစ်လို့ ။ ။

မောင်တည်အေး

အမှတ် ၂၂၇
၁၉ နှစ်ပြည့် ကလျာမဂ္ဂဇင်း
၂၀၀၄ ဇန်န၀ါရီလ

မင်းသိမယ်

မင်း ဆင်းရဲခဲ့ဖူးမှ
ဆင်းရဲတဲ့ခါးသီးမှုကို သိမယ်။
မင်း ချမ်းသာခဲ့ဖူးမှ
မအေးချမ်းတဲ့ ရသကို သိမယ်။
မင်း အယုယ ခံစားခဲ့ဖူးမှ
အချစ်ကြင်နာတရားကို သိမယ်။
မင်း ချစ်ကြင်သူ ဆုံးပါးခဲ့ဖူးမှ
အထီးကျန်ဘ၀ကို သိမယ်။
မင်း အတ္တဆန်ခဲ့ဖူးမှ
ပရဟိတသမားကို သိမယ်။
မင်း လောဘဇောတက်ခဲ့ဖူးမှ
သန္တိသုခ ရောင့်ရဲစိတ်ကို သိမယ်။
မင်း ကြောက်ရွံ့နောက်တွန့်ခဲ့ဖူးမှ
ကိုယ်ကျိုးစွန့်စိတ်ကို သိမယ်။
မင်း အိုမင်းမစွမ်းးချိန်ရောက်မှ
နုနုငယ်ငယ်ဘ၀ကို လွမ်းဖို့သိမယ်။
မင်းဘ၀စဆုံး စေ့စေ့တွေးခဲ့ဖူးမှ
ဘယ်သူမှ ဘာမှ မဟုတ်တာကို သိမယ်။
ငါတော့ ဘာမှမဟုတ်
ဘာမှ မသိသေးဘူးဆိုတာကို
ဒီနေ့ သိလိုက်ရတယ်။

စိုးလှိုင်တင့်
December, 2009 ကလျာမဂ္ဂဇင်း

Morgan Robertson

In 1898, the American writer, Morgan Robertson, wrote a story called. The Wreck of the Titan. In his story, a large passenger ship called the Titan sails from England on its maiden voyage to New York. The ship has the very latest technology and everyone on board believes it is unsinkable. A few nights later the Titan hits an iceberg and sinks. Because there are not enough lifeboats on the ship, many passengers----including many rich and famous people------die in the icy water of the North Atlantic. Not many people read The Wreck of the Titan----the only unusual thing about the story was that Morgan Robertson claimed that he wrote it in a psychic trance.

Fourteen years later, on April 9th, 1912, a large passenger ship called the Titanic left Southampton, England on its maiden voyage to New York. The ship was of the very latest design and it was described as being unsinkable by its engineers. Five nights later the Titanic bit an iceberg and sank. There were not enough lifeboats on the ship and 1,513 people----including many rich and famous passengers-----died in the icy water of the North Atlantic.


စာအုပ်တစ်အုပ်က ဖတ်ဖူးတာလေးပါ။ စာအုပ်နာမည်ကို မမှတ်မိတော့တာတော့ ကျနော့်ရဲ့ ညံ့ဖျင်းမှုပါပဲ။ သိတဲ့သူများ ပြောပြကြပါ။

အဇူရီ

အော်…….သွားလိုက်ပြီလား
နှုတ်မဆက် ထွက်ခွာ
အသံတိတ်နဲ့ တေးဆိုခဲ့တယ်
နောက်ဆုံးတေးသံ ငါမကြားပြီပဲကွယ်…။

အော်…….နှုတ်ဆက်တေးက
မချိူဘူးမို့ တိတ်တဆိတ်များ
အသံမဲ့တေးတွေ ဆိုငြီးရင်း
ထွက်ခွာခဲ့လေသလား……ကွယ်။

အော်……နောက်ဆုံးထွက်သက်
ဝေဒနာတေးတွေ တိတ်ဆိတ်ခံစား
အေးငြိမ်းရာကို သူထွက်သွားခဲ့လေပြီတကား……….။

azzurri
12-1-09(Tuesday)
1:55 afternoon