ကြေကွဲအလင်း

ကြေကွဲအလင်း

အရိပ်ထင်လာတဲ့ ပုံရိပ်ကို
ဖမ်းဆုပ်ဖို့လုပ်နေတုန်းပေါ့
မပီဝိုးတ၀ါး အရောင်တွေကို
ပြန်ရုပ်သိမ်းသွားလေရဲ့
အလင်းတန်းတောင် မတောက်ပသေးဘူးကွာ……။

လိုသလို ခံစားပါ။
မှောင်သွားတဲ့ ငါ့လမ်းမက
သိပ်တော့ မထူးဆန်းတော့ဘူး။
အရင်ကအတိုင်းပါပဲ။

တချိန်ချိန်တော့
လင်းလက်မယ့် အရောင်တွေမှာ
အပြာရောင်တွေ ခပ်များများ ထည့်ပေးချင်သေးတယ်။

ခုတော့ င့ါမှာ
ခရမ်းရောင်တွေ ဖြန့်ကျက်
အစိမ်းရောင်သစ်သီးကို လက်ခံစားသုံး
အမှောင်ထဲမှာ
တိတ်တဆိတ် ငေးမောရင်း
အသက်ဆက်နေရဦးမယ်။


အဇူရီ
11-6-10( Friday )
10:20 am

သစ်စက်

သစ်ရာ၊ ကျွန်း၊ ပျဉ်းကတိုး၊ ပိတောက် တဲ့
အစိမ်းရောင်တစ်အုပ်လုံး ညှို့နေအောင် ၀တ်ဆင်ပြီး
ကိုယ့်အရပ်အမောင်းနဲ့ကိုယ် မြင့်တက်ဖို့
ကိုယ့်အလုံးအထည်နဲ့ကိုယ် ကြီးထွားဖို့
ဒီတောဒီတောင်ကို ရွေးချယ်ခဲ့။

ရေချိုးမမှားလည်း ဖျားတတ်သလိုမျိုးပေါ့
ရှူသွင်းလိုက်တိုင်း လွှသွားငေါငေါ
ရှူထုတ်လိုက်တိုင်း ပျဉ်တိုပျဉ်စ။

ခုတော့ .........

အိပ်မက်က သစ်တောဖြစ်ပြီး
ဘ၀က သစ်စက်ဖြစ်လို့ ။ ။

မောင်တည်အေး

အမှတ် ၂၂၇
၁၉ နှစ်ပြည့် ကလျာမဂ္ဂဇင်း
၂၀၀၄ ဇန်န၀ါရီလ

မင်းသိမယ်

မင်း ဆင်းရဲခဲ့ဖူးမှ
ဆင်းရဲတဲ့ခါးသီးမှုကို သိမယ်။
မင်း ချမ်းသာခဲ့ဖူးမှ
မအေးချမ်းတဲ့ ရသကို သိမယ်။
မင်း အယုယ ခံစားခဲ့ဖူးမှ
အချစ်ကြင်နာတရားကို သိမယ်။
မင်း ချစ်ကြင်သူ ဆုံးပါးခဲ့ဖူးမှ
အထီးကျန်ဘ၀ကို သိမယ်။
မင်း အတ္တဆန်ခဲ့ဖူးမှ
ပရဟိတသမားကို သိမယ်။
မင်း လောဘဇောတက်ခဲ့ဖူးမှ
သန္တိသုခ ရောင့်ရဲစိတ်ကို သိမယ်။
မင်း ကြောက်ရွံ့နောက်တွန့်ခဲ့ဖူးမှ
ကိုယ်ကျိုးစွန့်စိတ်ကို သိမယ်။
မင်း အိုမင်းမစွမ်းးချိန်ရောက်မှ
နုနုငယ်ငယ်ဘ၀ကို လွမ်းဖို့သိမယ်။
မင်းဘ၀စဆုံး စေ့စေ့တွေးခဲ့ဖူးမှ
ဘယ်သူမှ ဘာမှ မဟုတ်တာကို သိမယ်။
ငါတော့ ဘာမှမဟုတ်
ဘာမှ မသိသေးဘူးဆိုတာကို
ဒီနေ့ သိလိုက်ရတယ်။

စိုးလှိုင်တင့်
December, 2009 ကလျာမဂ္ဂဇင်း

အော်…….သွားလိုက်ပြီလား
နှုတ်မဆက် ထွက်ခွာ
အသံတိတ်နဲ့ တေးဆိုခဲ့တယ်
နောက်ဆုံးတေးသံ ငါမကြားပြီပဲကွယ်…။

အော်…….နှုတ်ဆက်တေးက
မချိူဘူးမို့ တိတ်တဆိတ်များ
အသံမဲ့တေးတွေ ဆိုငြီးရင်း
ထွက်ခွာခဲ့လေသလား……ကွယ်။

အော်……နောက်ဆုံးထွက်သက်
ဝေဒနာတေးတွေ တိတ်ဆိတ်ခံစား
အေးငြိမ်းရာကို သူထွက်သွားခဲ့လေပြီတကား……….။

azzurri
12-1-09(Tuesday)
1:55 afternoon

Friendship

လက်

ဟုတ်တယ် သူငယ်ချင်း

လက်တစ်ဖက်ကို ထောင်ကြည့်….။

င့ါဘက်က လက်ဖမိုးဆိုရင်

မင်းဘက်က လက်ဖ၀ါးပေါ့….။

ဒါက ကလေးကလားပါ…။

ငါပြောတာက…

လက်တစ်ဖက်ကို ဘေးတိုက်ကြည့် …

အင်း ……..မင်းမြင်လား …….။

ငါ့ဘက်က လက်မက စရင်…

မင်းဘက်က လက်သန်းက စမယ်…..

ဒါဟာလည်း အမှန်တရားပဲ…..။

လူတွေက….

မှောက်ချည် လှန်ချည် လုပ်ဖို့သာ

သူတို့ စဉ်းစားနေကြတာ……။

လက်ဆိုတာ….

ခုတ်လို့ ထိုးလို့လည်း ရသေးတယ်…။

ဘ၀ဆိုတာ အပိုင်းအစ တစ်ခု…

နှိုင်းပြညှိဖို့ ဆိုတာ…

တော်တော်တော့ ခက်တယ်…..။

အမရာဒေ၀ီလက်ဝါးထောင်ပြတာ…

မင်းကလည်း တစ်မျိူးတွေးချင် တွေးမှာပေါ့…။

ငါကလည်း တစ်မျိူးတွေးမိတယ်လေ…။

ဒါကြောင့် ………ငါတို့ …….

အမရာနဲ့ ဝေးလိုက်ရတာ ဖြစ်မယ်….။

ဟော……….မဟော်သဓာကတော့

ဒီလက်ဖ၀ါးကို ကောင်းကောင်း အသုံးချသွားတယ်..။

ကဲပါ……….သူငယ်ချင်း …..

မင်းနဲ့ငါ ဘယ်လောက်ဝေးဝေး …..

ရော့ကွာ ……ငါ့လက်တစ်ဖက် ……..

လာကွာ ……..မင်းလက်တစ်ဖက်ကမ်း …..

သူငယ်ချင်းရေ….ရှိတ်ကမ်း (shaking) ….။ ။

ဒယ

Source: myanmarcupid.net

သူငယ်ချင်း ဇင်ယော်အတွက် တင်ပေးလိုက်ပါတယ်...

ချစ်သူကို မျှော်လင့်စောင့်စားနေကြသူများအတွက် ကဗျာလေးတစ်ပုဒ်ကို ဆက်လက်တင်ပေးလိုက်ပါတယ်။

မနက်ဖြန်

မနက်ဖြန် ပြန်လာမယ်ဆိုပြီး

သူ ကိုယ့်ကို ထားခဲ့တယ်

ကိုယ်လေ

အိမ်ကြမ်းပြင်တစ်ခုလုံး ပြည့်သွားအောင်

' မနက်ဖြန် ' ဆိုတဲ့ စာလုံးတွေ

ရေးမိတယ်။

မိုးသောက်တဲ့အခါ

သူငယ်ချင်းတွေလာတယ်

' ဆိုစမ်းပါဦး သူငယ်ချင်းရယ်

မင်းရဲ့ မနက်ဖြန်ဆိုတာက

ဘယ်တော့လဲ............' တဲ့ကွယ်

သြော်...........မနက်ဖြန်။ မနက်ဖြန်၊ မနက်ဖြန်ရယ်

ကိုယ့်မျှော်လင့်ချက်တွေ

စွန့်လွှတ်လိုက်ရပါပြီ

ချစ်သူ

ဘယ်သောအခါမှ ပြန်မလာတယ်။ ။

သက္ကတကဗျာဆရာ ၀ိဒယပတိ

( ၁၃၅၂-၁၄၄၈ )

ဝိဒယပတိ၏ အချစ်ကဗျာလေးများမှာ နူးညံ့လှပသောကြောင့် အိန္ဒိယနိုင်ငံတွင် အလွန်ထင်ရှား၏။ ယခုတိုင် ဟိန္ဒီမင်္ဂလာဆောင်များတွင် သီချင်းအဖြစ် မြတ်မြတ်နိုးနိုး သီဆိုနေကြဆဲ ဖြစ်သည်။ ယင်းကဗျာလေးများမှာ အိန္ဒိယစာဆိုများ ရေးဖွဲ့ လေ့ရှိသည့် ကရိသျှဏနှင့် ရာဒတို့၏ အချစ်ကိုပင် ဖွဲ့ဆိုသော ကဗျာများဖြစ်သည်။ ၀ိဒယပတိ၏ ထူးခြားချက်မှာ အချစ်ကဗျာများကို မိန်းကလေးများဘက်မှ ခံစား၍ ရေးဖွဲ့ လေ့ရှိခြင်းပင် ဖြစ်သည်။ စာဆိုသည် မိန်းကလေးတို့၏ စိတ်နှလုံးနှင့် အမူအရာကို ချစ်ခင်လေးစားသူ ဖြစ်လေသည်။ အထက်ပါကဗျာတွင် ခရီးထွက်သွားသော ချစ်သူပြန်အလာကို စောင့်မျှော်နေသော မိန်းကလေးတစ်ယောက်၏ ခံစားမှုကို ဖွဲ့ ဆိုထားသည်။

ဂန္တ၀င်အချစ်ကဗျာ ၁၀၀

ဘာသာပြန်---မောင်ဇေ

13-6-09

မ၀င်တာကြာနေတဲ့ ဘလော့ဂ်လေးထဲကို ပြန်ဝင်မိခဲ့တယ်။ ခုတလော စိတ်တွေရှုပ်နေတာနဲ့ စာအုပ်တွေလှိမ့်ဖတ်နေမိတယ်။ ကဗျာလေးတွေ ပြန်ဖတ်ရင်း ဘလော့ဂ်မှာ တင်မိလိုက်တယ်။ တဆက်တည်း စာအုပ်လေး ပေးခဲ့တဲ့ သူငယ်ချင်းကိုလည်း ကျေးဇူးတင်နေမိတယ်။

ရူဘိုင်ယတ်မှ

ဟောဒီသစ်ပင်အောက်မှာ

ပေါင်မုန့်တစ်လုံး

ဝိုင် တစ်ပုလင်း

ကဗျာတစ်အုပ်

ပြီးတော့ အရိုင်းတေးကို ဆိုနေတဲ့

မင်းရယ်

ကန္တာရ ဆိုတာ

နိဗာန်ဘုံပါပဲ

ကိုယ့်အတွက် ပြီးပြည့်စုံနေတယ်။

အိုမာခေယမ်

ရူဘိုင်ယတ် သည် အလွန်ထင်ရှားသော ပါသျှန်းကဗျာစု ဖြစ်သည်။ ရူဘိုင်ယတ်ဟု ခေါ်သော ကဗျာအဖွဲ့ ပုံစံကို အစွဲပြု၍ ဤအမည်ပေးထားခြင်း ဖြစ်သည်။ သေရည်အားဖြင့် ဘ၀၏ သုခချမ်းသာကို ရယူနိုင်သည်။ မနက်ဖြန်ဟူသည် မရှိ။ ယခု လက်ရှိအချိန်တွင် ပျော်ရွှင်စွာ နေထိုင်ခြင်းသည် ဘ၀၏ တန်ဖိုးသာ ဖြစ်သည်ဟု စာဆို အိုမာခေယမ် ယုံကြည်သည်။

ဂန္တ၀င်အချစ်ကဗျာ ၁၀၀

ဘာသာပြန်---မောင်ဇေ

My experience

ကျနော်တို့ ပထမနှစ်တက်တုန်းက ခံစားခဲ့ရတဲ့ အတွေ့အကြုံလေးတွေပါ။
ကဗျာတွေ ပြန်ဖတ်ရင်းနဲ့ တွေ့တာနဲ့ အမှတ်တရအနေနဲ့ ပြန်တင်ပေးလိုက်ပါတယ်။
အားလုံးအမှတ်ရကြမယ်ထင်ပါတယ်။ ကျောင်းသွားဖို့ စီးခဲ့၇တဲ့ ရွှေမန်းမေ အတွေ့အကြုံလေးတွေကို ရေးသားထားတာပါ။ ခံစားပေးလှည့်ပါနော်။

1CST's ရင်ခုန်သံ

နှင်းမှုန်ဝေသီ ဆောင်းနံနက်တွင်
မပီဝိုးတ၀ါး လှုပ်ရှားသူများ
မြင်တွေ့နိုင်ရန် ခဲယဉ်းလှ၏။

ဝေလီဝေလင်း အလင်းပျံ့ချိန်
မည်းမည်းမြင်၇ာ ကြည့်မိခဏ
စိတ်ဝယ်ပင်ပန်း စောင့်စားရ၏။

ကဆုန်ခုန်ပေါက် သူရောက်ချိန်၌
မြင်သာထင်ရှား မကျန်ခဲ့၇န်
ဝှေ့ယမ်းလက်ပြ တားဆီးရ၏။

သူနဲ့သွားစဉ် ခရီးတစ်လျောက်
စိတ်အိုက်နားဆူ ဒေါသဝေလည်း
သည်းခံခြိုးခြံ နှုတ်ဆိတ်ရ၏။

လိုရာပန်းတိုင် ရောက်ပြန်သော်ငြား
ညောင်းညာခန္ဓာ ဆန့်တန်းကာဖြင့်
အိပ်ချင်မူးတူး မျက်လုံးမှေးကာ
သွက်လက်လှုပ်ရှား သွားရပြန်သည်
" စာသင်ခန်းဆီ "..............။

အဇူရီ

30-11-2000( Thursdau)
11:50 pm

4--1-09

ဒီနေ့ဖတ်လိုက်ရတဲ့ ကဗျာလေးတစ်ပုဒ်ပါ။
အ၇မ်းလှတဲ့စာသားလေးတွေက ကျနော့်ကို ဘလော့ဂ်မှာ တင်ဖို့ တိုက်တွန်းတာနဲ့ ပို့စ်တင်ပေးလိုက်ပါတယ်။
သူငယ်ချင်းများအားလုံးအတွက် ရည်ရွယ်ပါတယ်။
ရောက်လာသူအပေါင်း အေးချမ်းကြပါစေ။

REMEMBER

You may forget me
But don't forget that
I never forget you

You may forget me
But don't forget that
I like you until now

You may forget me
But....................
Friend, never forget that
I'll have an attachment for you always!

composed by Khin Myat Mon( Yamethin)

The Light
July, 2002

၂၀၀၈ ရဲ့ ဒီဇင်ဘာ ၃၁ ကို လက်ပြခဲ့ရပါပြီ။
၂၀၀၉ ရဲ့ အစကို ရောက်ခဲ့ပြီ။
ကျနော့်သူငယ်ချင်းများအားလုံး နှစ်သစ်မှာ အစစ အဆင်ပြေကြပါစေ။

သူငယ်ချင်းတို့ကို ကျနော် နှစ်သစ်လက်ဆောင်အဖြစ် ကဗျာလေးတစ်ပုဒ်ကို တင်ပေးလိုက်ပါတယ်။
ကျနော်သိပ်ကြိုက်တဲ့ ကဗျာလေးပါ။

ဘာမှမလိုဘူး

အိပ်မက်နဲ့ညရေးက အစပ်အဟပ်မတည့်ဘူး
အလွမ်းက ခေါင်းထောင်လာတယ်။

ငါ့ကိုယ်ငါ
ထမင်းမေ့ ဟင်းမေ့ မေ့နေသလို တစ်လျှောက်လုံး
မင်းဆီမှာ ရှိနေတဲ့ ငါ့အတွေးတွေ
တစ်ခေါက်တစ်ခါမှ ပြန်မလာဘူး။

နေ့ရောညပါ ဒီစိတ်နဲ့
မင်းကိုချစ်တဲ့ အမှတ်တံဆိပ်မှာ
ကျန်တာ ဘာမှ မလိုဘူး။

ကုန်ကုန်ပြောမယ်
ငါ့ကိုယ်ငါတောင်
မင်းရှိနေတာလောက် မလိုဘူး............။

မိုသျှန်း

ကလျာ

2004, November

ဒီနေ့ ဖတ်လိုက်၇တဲ့ ကဗျာလေးတစ်ပုဒ်ပါ.......
စာသားလေးတွေ လှ တာနဲ့ တင်လိုက်ပါတယ်......
အားလုံးခံစားနိုင်ကြပါစေ.............

I will love you forever

I love you so deeply,
I love you so much
I love the sound of your voice
And the way that we touch.

I love you warm smile
And your kind, thoughtful way,
The joy that you bring
To my life everyday.

I love you today
As I have from the start,
And I'll love you forever
With all of my heart.

Amanda Nicole Martinez

The Light of English
No.167, November, 2008

28-12-08(sunday)

ဒီနေ့ကျနော့်စိတ်တွေ အရမ်းရှုပ်သွားတယ်။ ကျနော်မလုပ်ချင်တာတစ်ခုကို လုပ်ရတော့မယ်လေ။ ကျနော့်အဖေရဲ့ ငိုသံနဲ့ တောင်းဆိုတဲ့ ဆန္ဒတစ်ခုကို ကျနော် ဘယ်လိုနှလုံးသားမျိုးနဲ့ တင်းခံ၇မှာလဲ................?

ကျနော် တစ်နေ့လုံးအတွေးတွေ လည်နေတယ်။ ခုတော့ ကျနော် ပုံမှန်ပြန်ဖြစ်သွားပါပြီ။

မွေးဖွားပေးခဲ့တဲ့ မိဘကို ဒီအသက်အရွယ်ထိ ဘာမှ ထိထိရောက်ရောက် ကျေးဇူးမပြုနိုင်သေးဘူး။ ကျနော့်ကို တောင်းဆိုတဲ့ မိဘရဲ့ ဆန္ဒကလည်း ကျနော့်အတွက် မကောင်းတာကို တောင်းဆိုတာမှ မဟုတ်တာပဲလေ။

ခုတော့ကျနော် ဆုံးဖြတ်ချက်ချပြီးသွားပြီ။ ကျနော့်စိတ်တွေ ရှုပ်နေတုန်း ဖုန်းဆက်ပြီး စကားပြောပေးတဲ့ မလေးက မောင်လေး ဟယ်ရီ နဲ့ ရန်ကုန်က သူငယ်ချင်း စည်သူ တို့ကို ကျေးဇူးတင်ပါတယ်လို့ ပြောပါရစေ။ စင်ကာပူရောက်သူငယ်ချင်း ကျော်ဆန်းဦးကိုလည်း ကျေးဇူးပါလို့။

သူငယ်ချင်းတွေအတွက် ကျနော်အရင်က ရေးဖူးတဲ့ကဗျာလေးတစ်ပုဒ်ကို တင်ပေးလိုက်ပါရစေ။

အမှားနဲ့ငါ

လှည့်စားတတ်တဲ့ လောကရယ်
မင်းရိုက်ချက်က ဆိုးလွန်းတယ်
ငါ ...........ပြင်ဆင်ချိန် မရလိုက်တော့
ဟားတိုက်ပြီး တွန်းကန်ဖို့
အပြုံးတစ်ချက် ပဲလိုတယ်။


မရေရာတဲ့ လောကရယ်
မင်းပြုစားချက် ဆိုးလွန်းတယ်
ငါ...........အဆင်သင့် ရင်ဆိုင်ဖို့
အကြည့်တစ်ချက် ပဲလိုတယ်။

ကျီစယ်တတ်တဲ့ လောကရယ်
မင်းဆော့ကစားတာ ဆိုးလွန်းတယ်
ငါ ..........အငိုက်မိသွားလို့
ရှောင်တိမ်းဖို့ သတိမရလိုက်ဘူး။

ဘာပဲဖြစ်ဖြစ်
လောကမှာ ရှင်သန်ဖို့
နွေးထွေးတဲ့ လက်တစ်စုံ တော့ လိုအပ်တယ်။

အဇူရီ
13-9-03(saturday)
9:00 pm

Do u like this poem? Pls tell me.

ဂန္တ၀င်မြောက်ချစ်ခြင်း

ဒီတစ်နေ့လုံး
ရင်ခုန်ခြင်းတွေ……….မွေးဖွား
မျှော်လင့်ခြင်းတွေ…..စောင့်ကြိုလို့
တိတ်တဆိတ် ကြေကွဲနေခဲ့တယ်။

ရင်မှာတင်းကြပ် ငိုချင်ပေမယ့်
ဖန်တီးရတဲ့ အပြုံးနောက်မှာ
ခွင့်လွှတ်ခြင်း ဆိုတာ
နှလုံးသားအလိုကျ ဖြစ်တည်နေခဲ့တယ်။

နှလုံးသားနဲ့ နားဆင်လိုက်ပါ
မပြောဖြစ်လိုက်တဲ့ “…………….” တွေ
ဒီတစ်ညလုံး အိပ်မက်မှာ
ဆုံဖြစ်ခဲ့ရရင်----------------။

အဇူရီ

ပန်းနဲ့လင်းတဲ့ လမင်း

အကြည့်တစ်ချက် ထောက်လိုက်ရုံနဲ့
ရင်ခုန်သံတွေ ကျိုးပေါက်ခဲ့ရတာ
စိတ်ရှိလက်ရှိ ဟစ်ပြောလိုက်ချင်တယ်။

အနက်ရှိုင်းဆုံး သံစဉ်ဆိုတာ
မျက်လုံးတွေနဲ့ သီဆိုရတဲ့ ကဗျာတစ်မျိုးမို့
နားမထောင်လည်း တိုးတိုးလေး ကြားရတာပါပဲ။

နောက်ဆုံးမှာ..........
ဘယ်လောက်ရှုံးရှုံး
အဲ့ဒီ အပြုံးလေး တစ်ချက်လောက်အပွင့်မှာ
အာရုံတွေ စေစား လွှင့်လိုက်ချင်တယ်။

ရင်ခုန်သံအကြွင်းမဲ့
ငါဟာ မင်းကြောင့် လင်းခဲ့ရတဲ့ လမင်းပါ
ညခင်းတိုင်းမှာ သာချင်တယ်။

လရောင်ချို
ပန်းနဲ့လင်းတဲ့လမင်း
2003, March

This poem is my first poem at Myitkyinar

ဖြစ်စဉ်

ဘယ်သူမှ မရှိတဲ့ အခန်းမှာ
ဖုန်အထပ်ထပ် ရေးခြစ်ထားတဲ့ ခုံတန်းရှည်
ဖွေးဖွေးဖြူတဲ့ အမည်းရောင် သင်ပုန်း
တလိပ်လိပ် တက်တဲ့ ဒေါသတွေ
ဂရုမစိုက်တဲ့ မျက်ဝန်းတွေ
စေတနာထားမိတဲ့ ငါ့စိတ်တွေ
ယိုင်.............ယိုင်............သွားခဲ့ရတာ။

တသက်စာ ပြဋ္ဌုာန်းချက်တဲ့
ဒီလိုနဲ့ အဆုံးသတ်ရမှာ
ငါ့လိပ်ပြာ ငါရှက်တယ်။

ဂန္တ၀င်ဖြစ်ခွင့်မရတောင်
ခဏတာ အားဖြည့်ဖို့
ဘာတွေလိုနေကြတာလဲ ?

အဇူရီ

19-3-07(Monday)
4:35 pmီ

Can u tell me ur feeling?

အသွင်ပြောင်းပွဲတော်

- သန်းခေါင်ကျော် မဟူရာည
ဟိုတစ်စ ဒီတစ်စ အလင်းတစ်ချို့နဲ့
အလွှာစုံ ဆင်နွှဲတဲ့
" ကမ္ဘာ့ပွဲတော်ည "

- ဒီအချိန်ဆို
အားလုံး .............. ကခုန်ကြ
ရွှင်လန်းကြ
ငိုရှိုက်ကြနဲ့
လောကဓံ စုံလင်ပုံများ
မျက်တောင်ခတ်ဖို့တောင် မေ့နေကြ ....................။

- ပြီးတော့ ............... လက်ခုပ်သံတွေ
စကားစစ်ထိုးသံတွေအောက်မှာ
ငါတို့ရဲ့ ပွဲတော်ဟာ အသွင်ပြောင်းခဲ့ရ ။

- ငါ့အတွက်တော့
ဒီပွဲတော်မှာ ပါဝင်ဖို့
အရေခွံ ထူဖို့ပဲလိုတယ်............။

- ကဲ...........မင်းနဲ့ငါ
ရိုးသားစွာနဲ့
အတူ ဆင်နွှဲကြပါစို့ .............။

အဇုရီ

15-5-03(Thursday)
12:45 am

25-11-08

နိုဝင်ဘာ ၂၅ ရက်နေ့ဟာ သူငယ်ချင်းရဲ့ မြန်မာလို မွေးနေ့နော်။
အဝေးတစ်နေရာမှ သူငယ်ချင်းတစ်ယောက် ကျန်းမာပျော်ရွှင်ပါစေလို့ ဆုတောင်းပေးလိုက်ပါတယ်။
မွေးနေ့လက်ဆောင်ကိုတော့ အင်္ဂလိပ်မွေးနေ့ရက်ရောက်မှပဲ မေးလ်နဲ့ ပို့တော့မယ်နော်။
အမှတ်တရအနေနဲ့ နင်နဲ့ငါ အကြေအလည် ဆွေးနွေးဖူးတဲ့ ကဗျာလေးကို တင်ထားပေးလိုက်တယ်။
ကဗျာခေါင်းစဉ်ကိုတော့ နင်ပေးချင်သလို တပ်လိုက်တယ်။

ဘ၀ထဲကအချစ်

ပြီးခဲ့တာတွေ နောက်ကြောင်းပြန်
မဖြစ်သေးတာ ခန့်မှန်းကြ
ပစ္စုပန်မှာ ရင်ခုန်ကြတဲ့
............ငါတို့ရဲ့ စာမျက်နှာတွေ...........။

တစ်ချို့လည်း ရောင်းဈေးမြှင့်ကြ
တစ်ချို့လည်း အထူအပါးညှိကြ
သေချာတာက......... ငါတို့ရဲ့ ရင်ခုန်သံတွေ
................ထပ်တူကျဆဲပဲ............။

အဇူရီ

1-7-08(Monday)

စိတ်ဓာတ်ကျနေသူတွေ ဒါကိုဖတ်ပါ

လမ်းစရှာဆဲ

တရွေ့ရွေ့သွားနေတဲ့ခရီးပါ
အဲ့ဒီမှာ........
ပန်းမွေ့ယာလို မနူးညံ့ဘူး။
ကျောက်တုံးလိုလည်း မမာခဲ့ပါဘူး။
လဲကျရင်ပြန်ထ
မောရင်ခဏနား
ကူရာမဲ့ ငါတစ်ယောက်တည်း.........

ကာရန်မညီတဲ့ဘ၀တွေ
တော်တော်များများရှိမှာပါ
ငါ့ဖာသာအားတင်းရင်း
သံစဉ်တွေ ညှိလို့ပေါ့............

ဒီလိုနဲ့ ........
အိပ်မက်တွေ ပုံရိပ်ဖော်
ခရီးအဆုံးကို တောင့်တရင်း
ငါ.......ဆက်လက်လျှောက်နေဆဲ.....................။

အဇူရီ
30-6-08(monday)
3:00 pm